Litecoin kya hai? What is Litecoin? Urdu guide

Litecoin ek cryptocurrency hai jis ka symbol LTC hai. Litecoin Bitcoin se milti julti cryptocurrency hai kyun ke ye Bitcoin Core ka hee fork hai. Is ko bananay wale ka naam Charlie Lee hai jo ke Google ke Employee reh chukay hen. Litecoin October 13, 2011 ko live hua. Bitcoin ka block time 10 minute hota hai jabkay Litecoin ka block time 2.5 minutes hai, Litecoin ki supply 84 million ya 1 crore 40 lakh coins hai, Bitcoin SHA-256 ka istamal kerta hai jab ke Litecoin scryipt algorithm ka istamal kerta hai.

Developers ke mutabiq Litecoin Bitcoin ke muqablay men transactions zyada tezi se process ker sakta hai kyun ke is ka block time kam hai.

Bitcoin Cash kya hai? What is bitcoin Cash? Urdu

Bitcoin Cash ek cryptocurrency he jis ka symbol BCH hai. BCH ya Bitcoin Cash Bitcoin core ke network per hone wale hardfork ke natijay men amal men ayi. Rivaiti Bitcoin yani ke Bitcoin Core ki tosee (expansion/scalability) men kuch maslay masail thay jis ki waja se community kisi ek nazariay per ittefaq na ker saki aur Aug 1, 2017 ko Bitcoin Cash amal men agayi.

Is hard fork ka maqsad bitcoin network per transactions ki hud (limit) ko block size ka size barhanay ka tha. Block number 478558 tak Bitcoin Cash aur Bitcoin ki transaction history mushtarka hai jo ke Block number 478559 se alheda hojati hain yani ke Bitcoin Cash ka pehla block block number 478559 hai. Bitcoin Cash ka block size 8MB hai.

Logon ke paas Aug 1, 2017 tak jitna bitcoin ka balance tha wo utnay hee BCH (Bitcoin Cash) haasil ker sakte thay aur aksariat ne is moqay ka faida uthaya.

Cardano Kya hai? What is Cardano? Urdu

Cardano ek cryptocurrency hai jis ka symbol ADA hai. ADA September 2017 men launch hue. Cardano ko 3rd generation cryptocurrency kaha jata hai.

Cardana ke uper financial applications banai ja sakti hain jo ke aam aadmi, government, NGO, banks, mukhtalif qisam ki idaray ker sakte hen. Cardana platform ko mukhtalif layers ya hisson men baanta gya hai. Cardano ka dawa hai ke mukhtalif layers men hone ki waja se in ke system ko barqarar rekhna aur upgrade kerna asaan he jo ke soft fork se ho sakta hai. Jab settlement layer yani ke ADA ki layer complete hojaigi to separate computing layer banai jai gi jis per smart contracts chal saken. Cardano decentralized Apps (dApps) chalanay ki bhi salahyat rakhega.

Cardana ka kehna hai ke un ka platform science falsafay se nikla hai aur is men dunya bhar se taleemi shobay ke loag aur engineers shaamil hen.

Cardano ki qeemat oct 8, 2017 ko 2 cent ya 502 satoshi thee jo ke Jan 19, 2018 ko 64 cent ya 5618 satoshi hogyi.
Cardano is waqt market capitalization ke hisaab se Top 10 cryptocurrencies men shamil he.

Zcash kya hai? What is Zcash(ZEC)? Urdu

Zcash ya ZeroCash ek cryptocurrency hai jo ke October 2016 men launch ki gyi, Zcash ka maqsad user ki zaati malomaat ko mehfoz banana tha jis men ke Bitcoin ko buhat zyada kaamyabi haasil nahi. ZeroCoin protocol ko mazeed behtar banaya gya aur us men tabdeeli ker ke ZeroCash system banadiya gya aur usee ki uper Zcash cryptocurrency banai gyi jo 2016 men launch ki gyi.

Zcash per payments ki malomaat blockchain per mehfooz hoti hen lekin transaction kerwane wale ke ikhtiar men hota hai ke wo apni yani ke bejhne wale ki malomat, wasooli kerne wale ki maloomaat aur jitni raqm wo bejhna chahta he us ko chupa sakta hai.

Zcash ki supply bitcoin ki tarah 21 million tak mehdood hai.

Nov 22, 2016 ko is ki qemat $58 ya 7793690 satoshi thee jo ke Jan 9 2018 ko $710 ya 4699029 satoshi hogyi

IOTA kya hai? What is IOTA? Urdu

IOTA ek opensource distributed ledger per mabni ek cryptocurrency hai jis ka maqsad machines ke darmiyan mehfoz tareeqay se malumat aur paison ki tarseel hai. IOTA ko Internet of Things ka ek ahem hissa kaha ja raha hai. Agar aap ko Internet of Things ke baray men ilm nahi he aur chahte hen ke men is mazmoon per likhoon to comments ke zariay aagah karen.

IOTA rivaiti blockchain ke bajai DAG ka istamal kerti hai, DAG ka matlab he Directed Acyclic Graph. IOTA ke DAG ko Tangle kaha jata hai.

IOTA ki total supply 2,779,530,283,277,761 hai, yani ke 2,779,530,283 MIOTA (2 billion 779 million MIOTA). ek MIOTA men ek million IOTA hote hen. Jab aap IOTA trade kerte hen to aap MIOTA yani 1 million IOTA trade ker rahe hote hen.

Jun 14, 2017 ko IOTA ki qeemat $0.60 thee ya 21871 satoshi, aur Dec 21, 2017 ko is ki qemat $5 ya 31,000 satoshi tak chali gyi

Ripple kya hai? What is Ripple(XRP)? Urdu

Agar aap ne suna he ke ek cryptocurrency hai jis ka naam ripple hai aur aap is ki maloomaat lena chahte hen to aap bilkul sahi jagah aye hen. Yahan men aap ko bataunga ke Ripple kis qisam ki cryptocurrency hai, is ke peechay konsi technology karfarma hai, is ki qeemat ki kya tareekh hai aur is ko kahan se khareda ja sakta hai.

Ripple ki cryptocurrency saal 2012 men manzar-e-aam per aai. Yaad rahe Ripple ek payment protocol hai. Ripple apne aap ko real-time gross settlement system (RTGS), currency exchange aur remittance network network kehta hai. Ripple network ki cryptocurrency ko XRP ya ripples kaha jata hai.

2012 men aghaz karne wali Ripple ka maqsad koi bhi transaction chahay wo jitni bhi badi ho us ko kam se kam waqt men, kam se kam fees per, mehfuz tareeqay se ek fard ya party se dusray fard ya party tak pouncha diya jai.

Ripple ka network Ripple company ke beghair bhi chal sakta hai. Ripple ko ab tak banks aur payment providers se paz-r-rai mili hai aur in idaron ko Ripple ki khasusiat ki waja se ye Bitcoin aur doosri cryptocurrencies se behtar nazar aati hai.

Jan 9, 2018 ko market capitalization ke hisaab se Ripple dunya ki teesri sab se badi cryptocurrency hai.

Ripple ki Partnership (shirakatdari)

Ripple ke saath kai baray banks and malyaati idaron ne partnership ki hue he, jis men se kuch manzar-e-aam per aa chuki hen aur kuch parday ke peechay hen, jin partnerships ka logon ko ilm he un men Accenture, American Express, National Australia Bank, National Bank of Abu Dhabi, Royal Bank of Canada, Standard Chartered, Deloitte, aur UniCredit Group waghera shaamil hen.

Jo idaray Ripple ko test ker rahe hen un men Western Union, Bank of England, Australia and New Zealand Banking Group (ANZ), Commonwealth Bank of Australia, Royal Bank of Scotland (RBS), aur Japan ke kai idaray shamil hen.

Ripple ki Technology

Ripple Bitcoin ki tarah zyada bijli aur computing power istamal nahi kerta. Ripple ek mushtarka register ya ledger istamal kerta he jis ki copy hissa lene wale tamam computers ke paas mojud hoti hai, ye computer koi banking idara bhi ho sakta he aur koi aam aadmi bhi.

Ripple ka dawa he ke us ki technology ko kisi bhi fiat currency (jaise USD, PKR waghera) aur commodity jaise sonay waghera ke iwaz istamal kya ja sakta hai aur rivaiti tareeqon men jitna waqt ya kharcha hota hai wo in ke network per nahi hota kyun ke in ka maqsab wohi kaam tez, mehfuz aur kam kharchay per kerna hai.

Ripple aur Bitcoin men kya farq hai?

Ripple Bitcoin se kai cheezon men mukhtalif hai. Bitcoin transaction mukammal karne men 1 hour aur 6 hour bhi le sakta hai lekin Ripple 3 se 4 seconds men transaction mukammal karne ki salahiyat rekhta hai.

Kuch loag is baat per bhi ikhtilaf karte hen ke Ripple blockchain nahi hai balkay ek HashTree hai. Kuch cheezen bitcoin aur ripple men mushtarka hain jese ke transactions ki tasdeeq aur hissa lene wale computers ya machine men ittefaq-e-rai lekin ye bitcoin ki tarah Proof of Work istamal nahi kerta.

Ripple ek second men 1,500 transactions per second (tps) ker sakta hai lekin ye sabit kerna chahta he ke Visa ki tarah 50,000 transactions per second (tps) bhi ker sakta hai.

Ripple ka token XRP Bitcoin, Ethereum, Doge ki tarah mine nahi ho sakta balkay ye jb is ka aghaz hua to stocks ki tarah issue kiye gye. Circulation (Gardish) men 100 Billion XRP hen jis men se aksariat Ripple ki intizamia ke paas hen.

Ripple paise kaise kamata hai?

Ripple teen mukhtalif tareeqon se paise kamata hai jese ke software license, professional khidmaat, aur transaction fees shaamil hen.

Ripple ki qeemat ki tareekh

Nov 29, 2014 ko Ripple ki qeemat 3779 Satoshi thee, Dec 20, 2014 ko ye 7307 Satoshi hogyi, phir badi tabdeeli May 18 2017 ko ayee jab qeemat 20,000 satoshi hogyi, aur Jan 5, 2018 ko $3 ya 21000 satoshi hogyi

Verge Kya hai? What is Verge(XVG)? Urdu

Verge ek cryptocurrency hai jis ka symbol XVG hai. Verge saal 2014 men launch ki gyi. Is ka purana naam DogeCoinDark tha jo ke 2016 men tabdeel ker ke Verge rekh diya gya.

Ye cryptocurrency decentralized aur opensource hai, matlab ye ke kisi bhi ek shakhs ya idaray ka is ke uper asrorasookh(control) nahi hai aur ye opensource hai yani ke aap bhi online jaker us ko dekh skte hen aur download ker sakte hen.

Verge jo kaam mukhtalif kerta hai jis ki waja se is ko qabl-e-istamal currecncy kaha jata hai us ki waja ye hai ke is per aap jitni bhi transactions karte hen ye us ka IP address aur geolocation (shehar, mulk waghera) chupa deta hai. Verge aisa kaise karta hai? Verge ye karne ke liye Tor aur I2P ka istamal kerta hai. Verge ka ek ahem maqsad aap ki zaati malomaat ko mehfuz bnana bhi hai.

Verge ke peechay technology/protocol kya hai?

Ye jo technology istamal kerta hai us ko Wraith Protocol kaha jata hai.
Nichay di gyi tasveer se aap bakhoobi andaza laga sakte hen ke ye kya kaam aur kaise kerta hai.

Verge konsa algorithm istamal kerta hai?

Ye mukhtalif Algorithms istamal krta hai jin men Scrypt, x17, groestl, blake2s, aur lyra2rev2 shamil hen.

Verge ka block time kitna hai?

Verge ka block time 30 seconds hai. Yaad rahe Bitcoin ka block time 10 minute hai.

Verge ki qeemton ki tareekh

Saal 2015 se Apr 2017 tak Verge ki qeemat sirf 1 satoshi se April 2017 tk 4 satoshi tak pounchi, lekin June 2017 men tabdeeli ayee aur qeemat 100 satoshi se uper chali gyi. Phir Dec 1, 2017 ko qeemat 56 satoshi thee joe ke Dec 21 ko 952 satoshi ho gyi ya $0.15

Verge kahan se khareed sakte hen?

Verge aap nichay di gyi exchanges se khareed sakte hen ya phir form ke zariay
Bittrex, C-Cex, Litebit, Coinwale, Coinsready

Bitcoin price crosses $19000

2 days ago we covered news that bitcoin is hovering around $18000 and will cross this mark soon. Continuing it’s past performance bitcoin continued upward trend and crossed $18000 on Dec 16 at 10:29 UTC and crossed $19000 on same day at 19:29 UTC. The highest the bitcoin went was $19778 on Dec 17 at 12:29 UTC just $122 away from whopping $20000.

Currently bitcoin is trading at $19207 and PKR 2,090,000 (2.09 million).

When do you think bitcoin will cross the 20K mark?

Bitcoin price reaching $18000

From Dec 12 to Dec 15, after maintaining its position at $16000 the lowest it went was $16176 on Dec 14 at 02:00 UTC and highest it reached was $17870 on Dec 15 at 12:19 UTC (Just $130 away from reaching the milestone of 18K) while latest bitcoin price has reached $17723.

On Dec 1 it was trading at $9800, On Dec 8 it reached $17000, after that on Dec 10 at 03:00 UTC it dropped down below 13159 and travelled b/w $13000 to $15000 finally crossing $16000 on Dec 11 at 02:00 UTC and it was easily maintained until Dec 15 02:00 UTC when it crossed $17000 again. $17000 was also crossed Dec 13 so it can be said that 16K position was easily maintained throughout the week before maintaining 17K position throughout the 15 Dec.

What is your opinion on if and when bitcoin price will cross 18K and where do you think price can go at the opening of new year? Let us know through your comments.

50,000 rupay men mining kaise shuru karen

Doston is post men main aap ko bataunga ke aap 50,000 ya us se kam paison men mining kaise shuru ker sakte hen. Koi bhi mining equipment kharedne se pehle jo zaruri cheezen jaan lena zaruri hen wo ye he ke aap ka bijli ka bill kitna ayega, aap ke paas equipment ko thanda rakhne ka intizam he, aur aap jis coin ko mine ker rahe hen abhi us ki qeemat kitni hai aur mustaqbil men us ki qeemat kahan tak ja sakti hai.

Ye post GPU ke zariay mining kerne ke baray men he. Agar aap ke paas motherboard, processor, ram pehle se mojud he to aap 22000 PKR men bhi mining shuru ker sakte hen. Is post men ye cheez zyada detail men cover nahi ki gayi he ke aap konsa coin mine karen. Ye men aap ko mustaqbil men bataunga ke konsa coin mine kera jai.

Bijli ka bill:
Aap dekhli jiye ke aap ki per unit bijli ki qeemat kitni arahi he takay aap hisaab laga saken ke aap ka bijli ka bill kitna araha he aur mining ker ke aap ka munafa kitna hoga. Aap ko bijli ki qeemat taqreeban 15 se 20 rupay per unit paray gi agar aap 700 se zyada unit istamal ker rahe hen.

GPU Mining
GPU (Graphics Processing Unit) ka matlab hai aap ka graphics card.

Market main konse ache cards available hen 50,000 rupay ke andar.

1- NVIDIA GEFORCE GTX 1060

Ye card 3 GB aur 6 GB men dastiyab hai. Yahan per 6 GB ki performance ka batayagya hai. Ye card aap overclock bhi ker sakte hen aur ye mining ke liye ek acha card hai. Is card ko overclocking ke baad 4,500 MHz tak leja sakte hain. Default speed per 100W istamal hogi jab ke overclocking per 120W bijli istamal hogi.

Image result for GeForce GTX 1060

GTX 1060 ka pankha achi karkardagi dikhata hai aur 56C tak maintain kerta hai.

Ethereum ke uper aap 18 se 22 Mh/s tak hashing speed le sakte hain aur bijli 100W istamal hogi lekin overclocking ke baad bijli 120W istamal hogi.

Decred per aap 200 se 225Mh/s hashing speed haasil ker sakte hen.
Siacoin per bhi aap 200 se 225Mh/s hashing speed haasil ker sakte hen.
Zcash per aap 290 Sol/s se leker 310 Sol/s tak hashing speed haasil ker sakte hen

Qeemat: 30,000 PKR

2- GeForce GTX 1050 Ti

Agar aap is card se Ethereum mine karte hen to 12 se 14 Mh/s speed haasil ker sakte hen aur Claymore ke uper 9Mh/s tak hasil ker sakte hen aur ye 65 se 90W bijli kharch kerta hai.

Ethereum mine karne ke liye agar aap is card se 15Mh/s ki speed hasil kerte hen, 65W bijli istamal karte hen, per kWh 25 rupay kharch kerte hen aur 22000 rupay card pe kharch karte hen to ek saal men is se aap 34000 rupay munafa haasil ker sakte hen apna sara kharcha nikaal ker. Agar Ethereum ki qeemat barh jati he aur bijli kam kharch hoti he to aap zyada munafa bhi kama sakte hen.

Specs:
Memory: 4 GB 128-Bit GDDR5
PCI Express: 3.0
Double fans
Core Clock: 1379 MHz
Boost Clock: 1493 MHz
Chipset Manufacturer: NVIDIA

Qeemat: 22,000 PKR

3- GeForce GTX 1070

Agar aap is card per Ethereum mine karte hen to 27 se 31 MH/s hashing speed hasil ker sakte hen. Agar aap is card se Siacoin mine karte hen to 100 se 150 Mh/s tak hashing speed hasil ker sakte hen.

Specs:
Brand: EVGA
Memory: 8GB
Memory Type: GDDR5
Core clock: 1594 MHz
Boost clock: 1784 MHz

Qeemat: 50,000 PKR

Aap ye card kisi bhi motherboard ke uper laga sakte hen jo PCI express 3.0 support karte hen jese ke BIOSTAR TB250-BTC jis ki qeemat 8000 PKR he, aur processor aap koi bhi istamal ker sakte hen, kam qeemat per Celeron processor dastiyab hai.

AMD Radeon R9 270

Is card se aap 15 se 17 MH/s tak hasil ker sakte hen agar Ethereum mine karen to. Is card ki memory 2GB hai. Ye card 150W tak bijli istamal kerta hai.

Agar bijli ka kharcha na lagain aur Ethereum ki qeemat yahi rahe to aap rozana is machine se 109 PKR, mahinay men PKR 3200 aur saal men 40,000 PKR kama sakte hen.

Specs:
Memory Speed:1400 MHz
Graphics Coprocessor: AMD Radeon
Chipset: AMD

Qeemat: 25,000 PKR

Agar aap ke paas kuch sawalat hen to comments zariay agaah karen. Men mustaqbil men aap ko bataunga ke konsi cryptocurrencies mine kerni chahiye hen jis se ke munafa acha ho sake. Waise ZCash, Sia, aur XVG mine kerne ke liye achi cryptocurrencies hen. Yaad rekhiye Ethereum buhat jalf PoW (Proof of work) se PoS (Proof of stake) per chala jai ga.

Disclaimer: Using this information, Investment in any cryptocurrency or investment in any mining equipment is at your own risk.
Khabardar: Is malomaat ka istamaal, Kisi bhi qisam ki cryptocurrency ya mining equipment men sarmayakari apni zimedari per karen.