Bitcoin kya hai? What is bitcoin? in Urdu

Bitcoin ek digital currency hai jo k electronically (internet ya computer) k uper rakhi jati hai. Bitcoin ko koi bhi control nahi kerta. Bitcoins riwaaiti currencies yani k dollar ya euros ki tarah print nhi hoti – ye aam logon ki taraf se banai (mine) ki jati hai computer k zariay jo k complex mathematical problems ko solve kerne k baad haasil hoti hai. Is process ko mining kehte hain.

Aap bitcoin ko samjhne k liye ye asaan presentation bhi dekh sakte hain.

English men samjhne k liye ye video dekhen

Konsi cheez bitcoin ko aam currencies se mukhtalif banati hai?
Bitcoin electronically yani internet k zariay istamaal ki ja sakti hai. Jo cheez bitcoin ko sab currencies se mukhtalif banati hai wo ye hai k is ko koi bhi idaara (Authority) control nhi kerta.

Ye currency kis ne banai?
Ye currency ek software developer jis ka naam ‘Satoshi Nakamato” hai us ne ejaad ki. Is currency ko bananay ka maqsad ye tha k is ko koi idaara control nahi kare aur jo k internet pe khareedofarokht k liye nihaayat hee kam fees pe istamaal kia ja sake.

Is currency ko kon print kerta hai?
Is currency ko koi bhi idaara rivaaiti currencies ki tarah print nhi kerta. Bitcoin electronically yani digitally banai jati hai. Is method ko ‘mining’ kaha jata hai jo k computer ki power se amal men aati hai.

Bitcoin ki bunyaad kya hai?
Riwaaiti currency ki bunyaad sona ya chaandi hoti hai lekin bitcoin ki bunyaad sona yaa chaandi nhi balkay is ki bunyaad mathematics pe hoti hai.

Want to become expert in Bitcoin and Cryptocurrencies? Sign up for Training